ردا على اقتراح وزير الصحة بإلغاء تكليف الاطباء
هناك دائما سؤال يطرح نفسه
هل وظيفة الوزير اصدار قرارات سلبية ؟
أم ايجاد حلول ايجابية؟
رأيي أنه قرار سلبي لا يهدف إلا إلي مصلحة وقتية لتحسين الظروف الطبية في عهد هذا الوزير فقط و أيضا لشغل الكراسي الفارغة
علي المقاهي الأطباء
( مهوا ده اللي نائص !!! )
السيد الوزير قال أنه يحتاج في العام الواحد إلي ثلاثة ألاف طبيب ويتخرج من كليات الطب أضعاف هذا الرقم
***
الحل البديهي بالنسبة لناهو تصعيب امتحانات الثانوية العامة في المجموعة العلمية فينخفض مستوي المجاميع فيقل عدد الملتحقين بالكلية مع الحفاظ علي الحد الادني
للإلتحاق بالكليات الاخري فبالتالي سيتخرج ثلاثة الاف طبيب سنويا بدون قرارات مستفذة
ولا انتو رأيكو إيـــــه ؟؟
هناك دائما سؤال يطرح نفسه
هل وظيفة الوزير اصدار قرارات سلبية ؟
أم ايجاد حلول ايجابية؟
رأيي أنه قرار سلبي لا يهدف إلا إلي مصلحة وقتية لتحسين الظروف الطبية في عهد هذا الوزير فقط و أيضا لشغل الكراسي الفارغة
علي المقاهي الأطباء
( مهوا ده اللي نائص !!! )
السيد الوزير قال أنه يحتاج في العام الواحد إلي ثلاثة ألاف طبيب ويتخرج من كليات الطب أضعاف هذا الرقم
***
الحل البديهي بالنسبة لناهو تصعيب امتحانات الثانوية العامة في المجموعة العلمية فينخفض مستوي المجاميع فيقل عدد الملتحقين بالكلية مع الحفاظ علي الحد الادني
للإلتحاق بالكليات الاخري فبالتالي سيتخرج ثلاثة الاف طبيب سنويا بدون قرارات مستفذة
ولا انتو رأيكو إيـــــه ؟؟
18 comments:
والله يا دكتور لو عملو ايه فى الثانوية العامة هتلاقى برضه نفس اللرقم اللى بيتخرج من كليات الطب زى ما هو انت مش عارف الحكومة ومش عارف هى عايزة من اساسه البطالة يا مان عشان يقعدو يقولو احنا عندنا بطاله هنجيب فلوس منين
ربنا معاك ويوفقك
المشكله مش انهم يلغو التكليف او انهم يصعبوا امتحانالت المجموعه العلميه لان بكده احنا بنخلى العيال يلجؤا للمجموعه الادبيه ويكونو بكده محلوش حاجه برده لان المساله عرض وطلب
الحل هو انهم يعملو تنسيق بين احتياجات الجامعات و سوق العمل علشان ميبقاش فيه فائض فى الاعداد
وندخل بقى فى حوار البطاله
هم ميعرفوش غير المسكنات
لكن ميعرفوش حاجه اسمها علاج المشكله من الجذور
تحياتى
لا طبعاً كلامك غلط
مش معنى ان الانسان يكون معارض انه ينتقد و خلاص
انا متغاظ من البلد و الحكومة و العيشة بس للأمانة وزير الصحة الحالى لا أشعر انه من النوع اللى ممكن يعمل اى كلام لفترة جلوسه على الكرسى فقط
المشكلة فى المنظومة كلها
و بعدين ممكن اسألك سؤال
ياترى ده كان هيبقى كلامك لو كنت جبت 97%
و مادخلتش طب ؟؟؟
و للا ده هيبقى كلامك لو ابنك مثلاً يعنى جاب
105.3%
و مادخلش طب ؟؟؟
فكر و رد على نفسك بس بأمانة
السلام عليكم
ربنا يكرمه يارب
علشان تعرف ان الوزارات بتوحد جهودها لخدمه المواطن المصري
يعني وزاره التربيه والتعليم هتوحد جهودها مع وزاره الصحه
وياريت وزاره التعليم العالي تزود الطب اربع سنين كمان
شئ مؤسف للغايه
mr tea
أولا:أنك تختلف معايا ده حقك أنا مجرد بعرض و جهة نظري
ثانيا:أنا شايف إنها تبقي مصيبه لو الدكاتره قعدوا علي القهاوي
ثالثا: بالنسبه للكليات التانيه هي صحيح هتقابل مشاكل في الاول بس بعد كده أكيد المجتمع هغير وجهة نظره تجاه المؤهل المتوسط اللي هيلجئله بعد كده لأنه مش عيب.
(ملحوظه)كثير من شباب المؤهلات العليا يستخدموها ليتزوجوا بها فقط وليس ليعملوا بها.
أي خدمه يا باشا
سلام
3abdo m7tas
متشكر جدا ياعبدو علي تعليقك اللي أنا متفق معاك فيه تماما
only spot
بالنسبه للتنسيق بين أحتياجات سوق العمل و الجامعات متفق معك تماما
و أختلف معك إن كده كده زيادة عدد الطلاب المتفوقين في المجموعه الادبيه هيفدها و مش هيضرها
مستني ردك
سلام
إيه يا ولاد
بتتخانقو لي
انا لسه سايبكو امبارح مع بعض كويسين
؟؟؟؟
يادوك قهاوي ايه بس ودكاترة ايه
هما الدكاترة محتاجين البطالة عشان يقعدوا عالقهوة
يابني القعاد عالقهوة ده مزااج
ولا انت يا دوك مبتعدش على قهاوي ؟؟
سيبها تخرب براحتها يا راجل ومتقلقش منامها
mr coffee
يص ياسلامه أنا قصدي بالجلوس علي القهاوي هو(أن مفيش شغل و الجلوس دائم)خلاص. مجرد نتيجه للبطاله
bossy
متأسف جدا يا بوسي أنا مش فاهم حاجه و أكيد طبعا العيب مني
أرجو التوضيح
سلام
طبعا الموضوع أعمق من كده . .الموضوع بيبدأ من العلاقة بين التعليم وحاجة أسواق العمل .. وده موضوع غير مطروح للدراسة ولا النقاش ولا عروف عنه أي شيء أصلا
أفتكر إن فيه جامعة في كندا كان عندها قسم ما فيش حد بيدخلوه فيه علشان سوق العمل مش محتاج التخصص ده .. قاموا شغلوا القسم على الطلاب اللي جايين من خارج كندا وراجعين بلادهم تاني .. لكن ما يشتغلوش في كندا
شوفت إزاي؟
اناواحد حبيبك يا دكتور انا مش حازود على تعليق الاخ شاى الا انه الله يرحم يوم 22/7/1999 اصلى اعرف واحد كان خايف مايخشش طب و قعد يعيط مع انه كان جايب 96.6%
القرار المضحك اللى انت اصدرته و انت قاعد على القهوه (مع العلم انك بتشتغل برضه) انانى وبتقولوا لانك خلاص هاتتخرج من الطب و ماكنش ده هايبقى كلامك لو ماكنتش ......
و يمكن ماكنتش انت او انا حتى شوفنا ما هو معروف بكليات القمة.
و المفروض انهم يحسنوا المستوى مش يزودوا البطاله.
-
تنويه هام
الواحد ده هو محمد ناجية
شكرااااا
-----------
تنويه اخر
ين الجديد
القهوة واخداك من المدونه انا عارف
على فكره يا دكتور انا شايفه ان وزير الصحه كان قاعد مع نفسه وقال يا واد انت مش هتطلع فى الجرنان الايام دى خالص
تعمل ايه
.
.
.
.
.
تعمل ايه
ايوه مافيش غير بتوع الطب والتكليف اما اذلهم شويه واحسسهم ان التكليف دا منحه منى ليهم
فمش تزعلوا نفسكوا
وبعدين هو انتو ازود من الكليات التانيه فى ايه
ربنا معاكو
متأسف للتأخير جدا
هرد علي كل التعليقات بعد إنتهائي من البوست الجديد
يا مراكبي
أنا متفق معاك جدا إن لازم يكون في تنسيق بين التعليم و سوق العمل
يارب أقدر أعيش و شوفه
متشكر لزيارتك
the pro.....
بص يا ناجيه أنا بعرض مشكله للتناقش لمجرد إن كل واحد يفكر في حل و ده مشمعناه أني رأيك غلط و لا رأيي غلط
أنا بستفذ ملكات كل واحد فينا لحل مشاكلنا
تمام يا برووووووووو
سندريلا
ربنا يخليكي ليه يارب و لقوي المعارضه في البلوجات و ربنا يوفقك وو فقنا و نكون سوا عند الباشا في ضيافته بس يارب متطولش
سلامي ليكي
و علقي علي البوست اللي جاي
Post a Comment